早前新生會朗程牽自閉症人士支援中心與港鐵公司 MTR 搞咗個行業分享會，同26位自閉症同學仔分享職涯規劃同行業資訊，等佢哋可以早啲了解更多行業前景。

朗程牽嘅同事分享職涯規劃之餘，仲有港鐵「環境及社會責任部」同「車務訓練部」嘅代表介紹港鐵多元化業務及學徒訓練計劃，而呢個計劃嘅畢業生亦分享咗個人任職工程師嘅經驗及學習點滴，唔少同學仔聽完都話獲益良多。

分享會可以圓滿舉行，唔少得炮台山循道衛理中學及香港交通教育學會嘅全力支持，老師分享交通規劃興趣對於個人職業發展嘅幫助，更勉勵自閉症同學仔學習「玩物立志」，及早規劃個人職涯，喺未來嘅日子發光發亮。